Wa bin ik?
Wa't ik bin? Gjin idee; minske, spiritueel wêzen, de tredde krêft - tút tusken sinne en ierde, in klonte enerzjy, bewustwêzen? Of miskien wol allegearre, ôfhinklik fanôf hokker nivo en perspektyf je sjogge?
Ik wit it net, ik sjoch benammen de opsjes.
Mar boppesteande is fêst net watsto witte woest ;)
Myn namme is Bonne Pier. Ik bin man, fyftiger en wenje yn Fryslân.
Ik bin foar in part arbeidsûngeskikt en ha foar in lange tiid beheiningen.
Yn myn speurtocht nei hieljen bin ik ek bewuster wurden. Fan mysels; en fan de wrâld om my hinne.
Yn it begjin hat benammen Ishaya's Ascension - de meditaasjefoarm dy't ik beoefenje - dêryn in rol spile. De lêste jierren rjochtsje ik my ek op de Nei Dan Kung - de inerlike algemy fan it Taoïsme.
Wêr't ik bliid fan wurd
Ik merk de lêste jierren hieltyd mear dat ik bliid wurd fan wat ik foar it gemak gearfetsje as 'hieljen'. It (mei-inoar) wêze yn leafde (relatyf) sûnder betingsten (WÊZE); it bringen fan bewustwêzen troch petearen dy't earne oer gean (YNSJOCH); hieljende enerzjy dy't troch myn hannen streamt - en troch myn lichem mei chikung (qigong); spylje op klankskalen en gongs. En ek ferhaaltjes skriuwe. Dat soart dingen. Moai om te dwaan en hieljend foar alle belutsenen!
Naisan
De earste kear dat ik it boek Second Thunder fan MSI yn hannen hie en it samar op in side iepensloech, sprong fuortendaliks it wurd Naisan der út. Stikem hie ik it gefoel dat dit myn 'Ishaya-namme' as learaar wurde soe . Safier is it lykwols nea kommen. Doe't ik in pear jier letter in namme socht foar myn webside en `hielingswurk` kaam de namme wer omheech.
Ik ha doe fansels de betsjutting opsocht; it is Sanskryt en kin oerset wurde as 'into-sharpen'. Skerp meitsjen dus, of hotsje. Hoe tapaslik! Lykasto in mes skerp makkest troch it bei in hotte lâns te hâlden, sa kinne wy de oerstjûgingen dy ús 'persona' (ego) foarmje tsjin it ljocht fan it bewustwêzen hâlde. Hieltyd fanút oanwêzigens yn dit stuit, trochsjen wat der spilet. Mei in hieltyd helderdere geast en djipper yn it lichem, ús sielsúlining libje!
Bloch en ferhaaltsjes
In pear jier lyn ha ik in perioade in bloch skreaun. Ynspiraasje wienen benammen de ynsichten dy't yn my op kamen, triggerd troch wat der om my hinne barde en mear spesifyk yn de Ishaya-wrâld.
Dit dielde ik. As in momintopname, net as wat dat foar ivich fêst stiet, of universeel fan tapassing is. Soms miskien in bytsje unnuansearre of resolút; as útnoeging oan dy om by dysels te sjen - hoe it foar dy is en wat der by dy bart.
Op dit momint hat it dielen mear de foarm fan in tal koarte ferhaaltjes. Mar it prinsipe bliuwt itselde: ik skriuw wat der troch my hinne komt – op it momint dat it troch my hinne komt, sûnder al te folle de perfeksje te sykjen.
As de bloch of ferhaaltjes by dy resonearje, kom dan foaral noch ris werom om te sjen of't der wat nijs is. Of do keapest de ferhaaltjes. Ek fyn ik it moai asto dyn fragen en ûnderfinings mei my dielst!
